Haurrentzako ortua
Haurrentzako hiri-ortua: aisialdiko jarduera osasungarria
Hiri-ortua baliatu dezakegu seme-alabei naturaren funtzionamendua azaltzeko eta zenbait balio irakasteko.
Beharbada, ez zinen orain arte konturatuko, baina pentsatuz gero, konturatuko zara baliagarria izan daitekeela honakoak lantzeko:
- Naturarekiko errespetua (landareak eta animaliak).
- Jarraitutasuna: Zerbait txarto ateratzen bada (izurritea, adibidez) ez dugu amore eman behar.
- Konstantzia: Zerbait nahi duenak egunero lan egin behar du.
Hiri-ortuari esker, galdera askori erantzuna ematen ikasten dugu:
Zer gertatzen da haziarekin landatu eta ureztatu egiten badut?
…………..
Zer gertatzen da eguzkiak ugari ematen badio?
…………..
Zer gertatuko da ureztatzen ez badut?
Zein izan da patata hau sortzeko behar izan den prozesua?
…………..
Zein da patataren ziklo naturala?
…………..
Zer egin dezaket patatarekin behin sortua dagoenean?
Beste hainbeste galdera eta jarduerak erantzuna izango dute gure hiri-ortuaren prozesuak iraun bitartean.
Martxan jartzeko jarraibideak
1. Haziak erostera joan: Interesatzen zaizkigun haziak erosi, saltzailearekin elkarrizketa izan (modu atseginean eta errespetuz) eta kutxan ordaindu.
2. Giroa prestatu: Etxean gure txikien neurrira egindako giroa sortzen dugun bezalaxe egin behar dugu, bakoitzaren garapen eta beharrizanen arabera ahalik eta independentzia handiena izan dezaten. Ortua beren eskura egoteko altueran egin dezakegu, zaindu eta mantendu ahal izateko beharrezko gauzak eskura izan ditzaten. Horretarako, interesgarria izango litzateke ortu-mahaia oso altua ez izatea, bertara eroso hel daitezen.
3. Heldu prestatua: Komenigarria izan liteke prozesu/ikasketa honetan bide-lagun izango duen helduak hiri-ortu bat nola sortu eta zaindu jakitea. Ez da beharrezkoa aditua izatea, webgunean eskaintzen dugun informazioa lagungarri izan dakizueke.
4. Zainketa eta mantentze-lanetarako laguntza teknikoak eta erraztasunak:
Zer landatzen ari garen identifikatuta edukitzea, adibidez, irudiak edo argazkiak dituzten kartelak ezarrita. Horrek identifikatzen lagunduko digu.
Aholkua: Dagoeneko ernamuindu diren landareak landatzea, itxaronaldia hain luzea izan ez dadin, edo denbora-tarte txikian hazten diren haziak landatzea, haurrei prozesua deskubritzen laguntzeko.
5. Jarduerak: Gure hiri-ortua zaindu eta hartaz arduratzeko prozesuak iraun bitartean, ikaskuntza bultzatzen duten jarduera eta materialak erabil ditzakegu osagarri gisa. Manipulazio-jarduerak egokiak dira, etxetik kanpo ez ezik etxe barruan ere bai; txikienek ikasitakoa aplikatu dezakete bizi izan duten edo bizitzen ari diren esperientzia horren bitartez.
